IND vs ENG 4th T20: శ్రేయస్ టీమ్‌లో భారీ మార్పులు.. సంజూ శాంసన్‌కు చోటు!

భారత్-ఇంగ్లాండ్ మధ్య జరుగుతున్న 5 మ్యాచ్ల టీ20 సిరీస్లో టీమిండియా ఫ్యాన్స్కు వరుస షాకులు తగులుతున్నాయి. శ్రేయస్ అయ్యర్ కెప్టెన్సీలో బరిలోకి దిగిన భారత జట్టు వరుసగా ఫ్లాప్ షో ఇస్తోంది. ఇప్పటికే తొలి మ్యాచ్ వర్షం వల్ల రద్దు కాగా.. ఆ తర్వాత జరిగిన రెండు, మూడు టీ20 మ్యాచ్ల్లో ఇంగ్లాండ్ అద్భుత విజయాలు సాధించి సిరీస్లో 2-0 ఆధిక్యంలో దూసుకుపోతోంది. ఈ క్రమంలో ఈరోజు (జూలై 9, గురువారం) బ్రిస్టల్లోని కౌంటీ గ్రౌండ్ వేదికగా నాలుగో టీ20 మ్యాచ్ జరగనుంది. సిరీస్ చేజారకూడదంటే భారత్కు ఈ మ్యాచ్ ‘డూ ఆర్ డై’ (Do or Die) లాంటిది. ఈ మ్యాచ్లో గెలిస్తేనే సిరీస్ను 2-2తో సమం చేసే ఆశలు సజీవంగా ఉంటాయి. లేదంటే ఇంగ్లాండ్ ఈ మ్యాచ్తోనే సిరీస్ను సొంతం చేసుకుంటుంది. తప్పులు ఒప్పుకున్న గంభీర్ మూడో టీ20లో టీమిండియా హిస్టరీలోనే అత్యంత భారీ పరాజయాన్ని చవిచూసింది. నాటింగ్హామ్ వేదికగా జరిగిన ఆ మ్యాచ్లో మొదట బ్యాటింగ్ చేసిన ఇంగ్లాండ్ 200కు పైగా స్కోరు చేయగా.. భారత బ్యాటర్లు మాత్రం పిచ్ కండిషన్స్ అర్థం చేసుకోకుండా మొదటి బంతి నుంచే భారీ షాట్లకు ప్రయత్నించి కేవలం 76 పరుగులకే ఆలౌట్ అయ్యారు. ఫలితంగా ఇంగ్లాండ్ 125 పరుగుల భారీ విజయాన్ని అందుకుంది. జోఫ్రా ఆర్చర్, జోష్ టంగ్ తమ షార్ట్ పిచ్ బంతులతో భారత బ్యాటర్లను ముప్పతిప్పలు పెట్టి ఏకంగా 7 వికెట్లు పడగొట్టారు. ఈ దారుణ ఓటమిపై టీమిండియా హెడ్ కోచ్ గౌతమ్ గంభీర్ సీరియస్ అయ్యారు. జట్టు పరిస్థితులను సరిగా అంచనా వేయలేకపోయిందని ఆయన ఓపెన్గా ఒప్పుకున్నారు. ఇంగ్లాండ్ పిచ్లకు అనుగుణంగా ఆటతీరును మార్చుకోవాలని, కేవలం దూకుడుమాత్రమే విజయాన్ని అందించదని, మ్యాచ్ సిట్యువేషన్ బట్టి బ్యాటింగ్ చేయాలని ఆటగాళ్లకు గట్టిగానే సూచించారు. బౌలర్లు మారాలి కేవలం బ్యాటింగ్ మాత్రమే కాదు.. టీమిండియా బౌలింగ్ కూడా ఈ సిరీస్లో ఆశించిన స్థాయిలో లేదు. ముఖ్యంగా చివరి ఓవర్లలో భారత బౌలర్లు భారీగా పరుగులు సమర్పించుకుంటున్నారు. దీనివల్లే ఇంగ్లాండ్ ఈజీగా 200 ప్లస్ స్కోర్లు బోర్డుపై పెడుతోంది. బ్రిస్టల్లో జరగబోయే నాలుగో మ్యాచ్లో గెలవాలంటే బ్యాటర్లతో పాటు బౌలర్లు కూడా సమష్టిగా రాణించాల్సిందే. టీమిండియా ప్లేయింగ్ XIలో క్రేజీ మార్పులు.? వరుస ఓటములతో టీమిండియా మేనేజ్మెంట్ తుది జట్టులో కొన్ని కీలక మార్పులు చేసే ఛాన్స్ కనిపిస్తోంది. సంజూ శాంసన్ ఇన్: వైస్ కెప్టెన్ తిలక్ వర్మ పేలవమైన ఫామ్లో ఉండటంతో అతని ప్లేస్లో సంజూ శాంసన్ను టీమ్లోకి తీసుకునే అవకాశాలు ఉన్నాయి. టీ20 వరల్డ్ కప్-2026లో ప్లేయర్ ఆఫ్ ది టోర్నమెంట్గా నిలిచిన సంజూను మళ్లీ ఆడించాలని ఫ్యాన్స్ డిమాండ్ చేస్తున్నారు. వాషింగ్టన్ సుందర్ ఎంట్రీ: స్పిన్నర్ వరుణ్ చక్రవర్తి స్థానంలో ఆల్రౌండర్ వాషింగ్టన్ సుందర్ను ఆడించవచ్చు. దీనివల్ల బౌలింగ్తో పాటు బ్యాటింగ్ డెప్త్ కూడా పెరుగుతుంది. యువ ఓపెనర్ వైభవ్: ఇక 15 ఏళ్ల యంగ్ ఓపెనర్ వైభవ్ సూర్యవంశీ తన ఫస్ట్ రెండు మ్యాచ్ల్లో భయం లేకుండా ఆడి ఇంప్రెస్ చేశాడు. అయితే మంచి స్టార్ట్స్ను భారీ ఇన్నింగ్స్లుగా మార్చలేకపోయాడు. అయినప్పటికీ మేనేజ్మెంట్ అతనిపై నమ్మకంతో నాలుగో మ్యాచ్లోనూ ఛాన్స్ ఇచ్చేలా ఉంది. భారత్ వర్సెస్ ఇంగ్లాండ్: హెడ్ టు హెడ్ రికార్డ్స్ ఇప్పటివరకు ఇండియా, ఇంగ్లాండ్ జట్లు టీ20 ఫార్మాట్లో మొత్తం 33 మ్యాచ్ల్లో తలపడ్డాయి. ఇందులో భారత్ 18 విజయాలతో అప్పర్ హ్యాండ్లో ఉండగా.. ఇంగ్లాండ్ 14 మ్యాచ్ల్లో గెలిచింది. ఒక మ్యాచ్లో రిజల్ట్ రాలేదు. ఓవరాల్ రికార్డ్స్ మనకు ఫేవరబల్గా ఉన్నా.. ప్రస్తుత ఫామ్ మాత్రం ఇంగ్లాండ్ వైపే ఉంది. భారత్ అంచనా జట్టు: అభిషేక్ శర్మ, వైభవ్ సూర్యవంశీ, సంజూ శాంసన్, ఇషాన్ కిషన్, శ్రేయస్ అయ్యర్ (కెప్టెన్), శివమ్ దూబే, అక్షర్ పటేల్, వాషింగ్టన్ సుందర్, హర్షిత్ రాణా, అర్ష్దీప్ సింగ్, ప్రిన్స్ యాదవ్. ఇంగ్లండ్ అంచనా జట్టు: ఫిల్ సాల్ట్, జోస్ బట్లర్, హ్యారీ బ్రూక్ (కెప్టెన్), జాకబ్ బెథెల్, టామ్ బాంటన్, విల్ జాక్స్, సామ్ కరన్, లియామ్ డాసన్, జోఫ్రా ఆర్చర్, జోష్ టంగ్, ఆదిల్ రషీద్. శ్రేయస్ అయ్యర్ కెప్టెన్సీకి , గౌతమ్ గంభీర్ కోచింగ్ ప్లాన్స్కి ఈ మ్యాచ్ ఒక బిగ్ టెస్ట్ అని చెప్పాలి. కనీసం మిగతా రెండు మ్యాచ్లలో అయినా గెలిచి భారత్ ఈ సిరీస్ను 2-2తో సమం చేస్తుందా? లేదా ఇంగ్లాండ్ ఇక్కడే సిరీస్ ముగించేస్తుందా? అనేది మరికొద్ది గంటల్లో తేలిపోనుంది.