IND vs ENG 3rd T20:శ్రేయస్ అయ్యర్ కెప్టెన్సీలో మళ్లీ టీమిండియా ఓటమి

క్రికెట్ ఫ్యాన్స్ కు బ్యాడ్ న్యూస్. ఐదు మ్యాచ్ల టీ20 సిరీస్లో భాగంగా మంగళవారం రాత్రి నాటింగ్ హోమ్లో జరిగిన థర్డ్ టీ20లోనూ ఇండియా ఘోరంగా చతికిల పడింది. మరోసారి చెత్త బ్యాటింగ్, పేలవ బౌలింగ్తో శ్రేయస్ అయ్యర్ సారథ్యంలోని టీమిండియా 76 పరుగుల దగ్గరే ఆగిపోయింది. హోమ్ టీమ్ ఇంగ్లండ్ కంప్లీట్గా వన్సైడ్ గేమ్ ఆడి 125 పరుగుల భారీ తేడాతో విక్టరీ కొట్టేసింది. ఈ గెలుపుతో 5 మ్యాచ్ల సిరీస్లో ఇంగ్లండ్ 2-0 ఆధిక్యంలోకి దూసుకెళ్లింది. టాస్ గెలిచారు కానీ.. గత రెండు మ్యాచ్ల్లో టాస్ గెలిచి బ్యాటింగ్ ఎంచుకున్న ఇండియన్ కెప్టెన్ శ్రేయస్ అయ్యర్, ఈసారి మాత్రం స్ట్రాటజీ మార్చి బౌలింగ్ తీసుకున్నాడు. స్టార్టింగ్లో ఇంగ్లండ్ కాస్త స్లోగా ఆడినా, ఆ తర్వాత మాత్రం స్కోర్ బోర్డ్ను పరుగెత్తించింది. ఓపెనర్ ఫిలిప్ సాల్ట్ 44 బంతుల్లోనే 7 ఫోర్లు, 3 సిక్సర్లతో 70 రన్స్ చేసి టీమిండియా బౌలర్లను ఆటాడుకున్నాడు. దానికి తోడు జోస్ బట్లర్ (36), సామ్ కర్రన్ (41 నాటౌట్) కూడా మెరుపులు మెరిపించడంతో ఇంగ్లండ్ నిర్ణీత 20 ఓవర్లలో 7 వికెట్ల నష్టానికి 201 పరుగుల భారీ స్కోర్ చేసింది. భారత్ బౌలర్లలో ప్రిన్స్ యాదవ్ (2/30), హర్షిత్ రాణా (2/40) రెండేసి వికెట్లు తీశారు. అక్షర్ పటేల్కు ఒక వికెట్ దక్కింది. టీమిండియా ఘోర ఓటమి 202 పరుగుల భారీ టార్గెట్తో బరిలోకి దిగిన ఇండియాకు ఊహించని షాక్ తగిలింది. కేవలం 11.4 ఓవర్లలోనే 76 పరుగులకే టీమిండియా కుప్పకూలింది. ఇంగ్లండ్ బౌలర్లు జోఫ్రా ఆర్చర్, జోష్ టంగ్ స్వింగ్ ముందర మన బ్యాటర్లు నిలవలేకపోయారు. అభిషేక్ శర్మ (10), ఇషాన్ కిషన్ (13), శ్రేయస్ అయ్యర్ (5), అక్షర్ పటేల్ (10) ఇలా ఒకరి వెనుక ఒకరు.. పెవిలియన్కు క్యూ కట్టారు. పవర్ప్లే ముగిసేలోపే 5 కీలక వికెట్లు కోల్పోవడంతో మ్యాచ్ అక్కడే చేజారింది. నిరాశ పరిచిన వైభవ్ టీనేజ్ సెన్సేషన్ వైభవ్ సూర్యవంశీ ఈ మ్యాచ్లో కూడా ఫ్యాన్స్ను నిరాశపరిచాడు. క్రీజులోకి రాగానే 5 బంతుల్లో 2 భారీ సిక్సర్లు కొట్టి ఫుల్ జోష్ ఇచ్చినా.. ఆ వెంటనే 13 రన్స్ వద్ద ఆర్చర్ బౌలింగ్లో కీపర్ క్యాచ్ ఇచ్చి అవుటయ్యాడు. ఆ తర్వాత వచ్చిన తిలక్ వర్మ (3), శివమ్ దూబె (2), హర్షిత్ రాణా (9) కూడా ఘోరంగా ఫెయిల్ అవ్వడంతో టీ20 హిస్టరీలోనే టీమిండియాకు ఇది వన్ ఆఫ్ ది బిగ్గెస్ట్ డిజాస్టర్గా మిగిలిపోయింది. నెక్స్ట్ మ్యాచ్ అయినా..? ఒకే ఓవర్లో వైభవ్ సూర్యవంశీతో పాటు శ్రేయస్ అయ్యర్, అక్షర్ పటేల్లను అవుట్ చేసి ఇండియా బ్యాక్బోన్ విరిచేసిన జోఫ్రా ఆర్చర్కు 'ప్లేయర్ ఆఫ్ ది మ్యాచ్' అవార్డు దక్కింది. చిత్తుగా ఓడిన టీమిండియా ఇప్పుడు సిరీస్ గెలిచే ఛాన్స్ను మిస్ చేసుకుంది. కనీసం సిరీస్ను సమం చేసుకోవాలన్నా.. నెక్స్ట్ జరగబోయే రెండు మ్యాచ్ల్లో కచ్చితంగా గెలవాల్సిందే. నాలుగో టీ20 మ్యాచ్ గురువారం రాత్రి 10 గంటలకు బ్రిస్టోల్ వేదికగా జరగనుంది. మరి ఈ మ్యాచ్కైనా మనవాళ్లు కమ్బ్యాక్ ఇస్తారో లేదో చూడాలి.