Honeymoon Coach: రైలు భోగీని ‘హనీమూన్ రూమ్’గా మార్చిన జంట.. షాకిచ్చిన రైల్వే అధికారులు

రైలు ప్రయాణంలో విండో సీట్ దొరికితేనే చాలామంది హ్యాపీగా ఫీల్ అవుతారు. అలాంటిది ఏకంగా ఒక ఫస్ట్ క్లాస్ ఏసీ క్యాబిన్ దొరికితే... ఆ క్యాబిన్ నే తమ పర్సనల్ హనీమూన్ రూమ్గా మార్చేసుకుంది ఒక కొత్త జంట. వినడానికి వింతగా ఉన్నా ఇది నిజంగానే జరిగింది. నందిగ్రామ్ ఎక్స్ప్రెస్ (Nandigram Express) లోని ఫస్ట్ ఏసీ క్యాబిన్ను బెలూన్లు, గులాబీ రేకులు, ఎల్ఈడీ లైట్లతో... అచ్చం శోభనపు గదిలా అలకరించినట్లు ఉన్న ఓ వీడియో ఒకటి సోషల్ మీడియాలో తెగ వైరల్ అవుతోంది. ఈ వీడియో చూసి నెటిజన్లు దీనికి ‘హనీమూన్ కోచ్’ అని పేరు పెట్టేశారు. ఈ వైరల్ వీడియో కాస్త .. సౌత్ సెంట్రల్ రైల్వే (SCR) వరకూ వెళ్లడంతో అధికారులు సీరియస్ అయ్యారు. దీనిని ఒక పెద్ద భద్రతా లోపంగా భావిస్తూ ఒక స్టాఫ్ మెంబర్ను సస్పెండ్ చేయడమే కాకుండా.. కోచ్ ని అలా అలంకరించిన వ్యక్తిపై కూడా కేసు నమోదు చేశారు. అసలు ఏం జరిగిందంటే? మహారాష్ట్రకు చెందిన ‘రాహత్ రూమ్ డెకరేషన్’ అనే ఈవెంట్ ఆర్గనైజర్ ఈ వీడియోను మొదట సోషల్ మీడియాలో షేర్ చేశారు. జూలై 6వ తేదీన జాల్నా (Jalna) స్టేషన్ నుండి ప్రయాణించే ఒక కొత్త జంట కోసం ఈ ఫస్ట్ నైట్ సెటప్ ను ప్లాన్ చేశారు. ఆ జంట ఔరంగాబాద్ నుండి జాల్నా రైల్వే స్టేషన్కు కార్లో వచ్చేలోపే.. ఈ డెకరేషన్ టీమ్ ఆన్లైన్ ఆర్డర్ ప్రకారం రైలులో వాళ్లు బుక్ చేసుకున్న క్యాబిన్ కు వెళ్లి .. ఆ ఫస్ట్ ఏసీ క్యాబిన్ను ఒక లగ్జరీ హోటల్ రూమ్లా మార్చేసింది. గులాబీ పూలు , అదే రంగు హార్ట్ షేప్ కర్టెన్లు, సీలింగ్ నిండా బెలూన్లు, కిటికీల చుట్టూ పూల మాలలు...బెడ్ పైన హార్ట్ షేప్ లో ఫ్లవర్స్ తో పాటు... క్యాబిన్ నేలపై తివాచీ పరిచి దానిపై వేలాది గులాబీ రేకులు చల్లారు. అంతేకాదు, అప్పర్ బెర్త్ను ఫోల్డ్ చేసి దానిపై పూలతో ‘I Love You’ అని కూడా రాశారు. చీకటి పడ్డాక లుక్ అదిరిపోయేలా కొన్ని ఎల్ఈడీ లైట్లు కూడా పెట్టారు. ఆ తర్వాత ఆ కొత్త జంట జాల్నా స్టేషన్లో ... చెన్నై వెళ్లే ఈ నందిగ్రామ్ ఎక్స్ప్రెస్ ఎక్కి ఫుల్ సర్ప్రైజ్ అయ్యారు. https://twitter.com/rajtoday/status/2074880084708868273 టికెట్ ఇన్స్పెక్టర్ సస్పెండ్ అయితే రైలు సర్వీస్లో ఉండగా ఇలాంటి పనులు చేయడం రైల్వే రూల్స్ ప్రకారం ఖచ్చితంగా నేరం. ఈ వీడియో రైల్వే అధికారుల దృష్టికి వెళ్లడంతో సౌత్ సెంట్రల్ రైల్వే దీనిపై అఫీషియల్ స్టేట్మెంట్ రిలీజ్ చేసింది. ప్యాసింజర్స్ ఆన్లైన్ ద్వారా ప్రైవేట్ డెకరేటర్ను పురమాయించారని, కానీ ఆ డెకరేషన్ టీమ్ జాల్నా స్టేషన్లో పర్మిషన్ లేకుండా ట్రైన్ లోపలికి రావడం ఒక భారీ భద్రతా లోపం అని స్పష్టం చేసింది. ఈ ఇన్సిడెంట్ జరిగినప్పుడు అక్కడ డ్యూటీలో ఉన్న చీఫ్ టికెట్ ఇన్స్పెక్టర్ (CTI) గిరీష్ కుమార్ను అధికారులు వెంటనే సస్పెండ్ చేశారు. అంతేకాకుండా, దీనిపై పూర్తి స్థాయి డిపార్ట్మెంటల్ ఎంక్వైరీకి ఆర్డర్ ఇచ్చారు. డెకరేటర్పై కేసులు కేవలం స్టాఫ్ మీద యాక్షన్ తీసుకోవడమే కాదు.. రైలు క్యాబిన్ను మార్చేసిన సదరు డెకరేటర్పై కూడా రైల్వే యాక్ట్ (Railway Act) కింద పలు సెక్షన్ల ప్రకారం కేసులు బుక్ చేశారు. పర్మిషన్ లేకుండా రైలులోకి రావడం (Unauthorised entry), టికెట్ లేకుండా ప్రయాణించడం మరియు రైల్వే ప్రాపర్టీలోకి చొరబడటం వంటి నేరాల కింద డెకరేషన్ టీమ్పై లీగల్ యాక్షన్ తీసుకుంటున్నారు. తమ జర్నీని స్పెషల్గా మార్చుకోవాలనుకున్న ఆ కొత్త జంట ఐడియా బాగానే ఉన్నా.. పబ్లిక్ ట్రాన్స్పోర్ట్ అయిన ఇండియన్ రైల్వేస్లో రూల్స్ బ్రేక్ చేయడం మాత్రం వాళ్లను, వాళ్లకు హెల్ప్ చేసిన రైల్వే స్టాఫ్ను ఇబ్బందుల్లో పడేసింది.