మద్యం ప్రియులకు గుడ్ న్యూస్.. సీఎం సంచలన నిర్ణయం

తమిళనాడులోని మద్యం ప్రియులకు జోసెఫ్ విజయ్ ప్రభుత్వం ఒక గుడ్ న్యూస్ చెప్పింది. ప్రభుత్వ మద్యం దుకాణాలలో(TASMAC) ప్రతి సీసాపై అదనంగా పది రూపాయలు వసూలు చేసే దోపిడీకి అడ్డుకట్ట వేసేందుకు తమిళనాడు ప్రభుత్వం ఒక సంచలన నిర్ణయం తీసుకుంది. ఈ దుకాణాలలో పనిచేసే ఉద్యోగుల జీతాలను ఏకంగా 25 శాతం పెంచుతున్నట్లు అధికారికంగా ప్రకటించింది. ప్రభుత్వ మద్యం దుకాణాల్లో అవినీతిని అరికట్టేందుకు, పారదర్శకతను పెంచేందుకు ప్రభుత్వం ఈ నిర్ణయం తీసుకున్నట్లు స్పష్టం చేసింది. ఎక్స్ట్రా వసూళ్లకు బ్రేక్ సాధారణంగా టాస్మాక్ లిక్కర్ షాపుల్లో ఎంఆర్పీ (MRP) కంటే ప్రతి బాటిల్పై అదనంగా రూ.10 వసూలు చేస్తున్నారనే కంప్లైంట్స్ కస్టమర్స్ నుంచి తరచూ వస్తుంటాయి. ఈ అక్రమ వసూళ్లను అడ్డుకోవడమే లక్ష్యంగా ప్రభుత్వం ఈ జీతాల పెంపు నిర్ణయం తీసుకుంది. ఈ నిర్ణయం గురించి మంత్రి విఘ్నేష్ మాట్లాడుతూ.. ఉద్యోగులకు మంచి జీతాలు ఇవ్వడం వల్ల, వారు కొనుగోలుదారుల దగ్గర నిర్దేశించిన ధర కంటే ఎక్కువ వసూలు చేసే అవకాశం ఉండదని చెప్పారు. గత 20 ఏళ్లలో ఈ ఉద్యోగులకు ఈ స్థాయిలో జీతాలు పెంచడం ఇదే మొదటిసారి అని తెలిపారు. 717 లిక్కర్ షాపులు క్లోజ్ ఈ జీతాల పెంపు కంటే కొన్ని నెలల ముందు సీఎం జోసెఫ్ విజయ్ తమిళనాడులో దేవుడి గుడులు, విద్యాసంస్థలు, బస్టాండ్లకు 500 మీటర్ల పరిధిలో ఉన్న 717 ప్రభుత్వ మద్యం షాపులను మూసివేయాలని సంచలన ఆదేశాలు ఇచ్చారు. రాష్ట్రవ్యాప్తంగా ఉన్న మొత్తం 4,765 షాపుల్లో.. ప్రార్థనా మందిరాల దగ్గర ఉన్న 276 షాపులు, స్కూళ్లు-కాలేజీల దగ్గర ఉన్న 186 షాపులు, బస్టాండ్ల పరిసరాల్లో ఉన్న 255 షాపులను గుర్తించి మూసి వేయించారు. సమాజంలో మద్యం సులభంగా దొరకకుండా అడ్డుకోవడానికే ఈ సామాజిక సంస్కరణలు తెచ్చినట్లు ప్రభుత్వం తెలిపింది. కమల్ హాసన్ ప్రశంసలు విజయ్ ప్రభుత్వం తీసుకున్న ఈ నిర్ణయానికి రాజకీయ వర్గాల నుంచి భారీ సపోర్ట్ లభించింది. నటుడు, రాజకీయ నాయకుడు కమల్ హాసన్ ఈ నిర్ణయాన్ని స్వాగతించారు. ప్రభుత్వం మరిన్ని మద్యం షాపులను మూసివేయాలని, మద్యం అమ్మకాలను రెగ్యులేట్ చేయడంలో మరింత బాధ్యతగా వ్యవహరించాలని ఆయన కోరారు. అలాగే కాంగ్రెస్ ఎంపీ మాణిక్యం ఠాగూర్ కూడా ఈ నిర్ణయాన్ని అభినందించారు. ఇది ప్రజల నుంచి ఎప్పటి నుంచో ఉన్న డిమాండ్ అని, దీనివల్ల మహిళలు, విద్యార్థులు , సాధారణ ప్రజల రక్షణ మరింత పెరుగుతుందని చెప్పారు. టీవీకే మార్క్ పాలన తమిళనాడులో కొత్తగా అధికారంలోకి వచ్చిన విజయ్ నేతృత్వంలోని టీవీకే ప్రభుత్వం వరుసగా సంచలన నిర్ణయాలతో దూసుకుపోతోంది. గృహ వినియోగదారులకు ఉచిత విద్యుత్, మహిళల రక్షణ కోసం ప్రత్యేక విభాగాలు, ప్రతి జిల్లాలో డ్రగ్స్ నిరోధక విభాగాల ఏర్పాటు లాంటి ఎన్నో సంక్షేమ పథకాలను ఇప్పటికే ప్రకటించింది. ఇప్పుడు తాజాగా లిక్కర్ షాపుల్లో అవినీతికి చెక్ పెట్టేందుకు తీసుకున్న ఈ జీతాల పెంపు నిర్ణయం కూడా పబ్లిక్లో హాట్ టాపిక్గా మారింది.