Satluj Movie Controversy: ఓటీటీ నుంచి దిల్‌జీత్ దోసాంజ్ సినిమా అవుట్.. అసలు వివాదం ఏంటి?

సినీ లవర్స్కు ఒక షాకింగ్ న్యూస్. టాలెంటెడ్ యాక్టర్ దిల్జీత్ దోసాంజ్ లీడ్ రోల్లో నటించిన ‘సట్లజ్’ (Satluj) సినిమా ఓటీటీ ప్లాట్ఫామ్ Zee5 నుంచి సడన్గా మాయమైపోయింది. ఎన్నో ఏళ్ల సెన్సార్ ఫైట్ తర్వాత, గత శుక్రవారం సైలెంట్గా రిలీజైన ఈ సినిమాను.. ఆదివారం కల్లా ప్లాట్ఫామ్ నుంచి తీసేశారు. అసలు ఈ సినిమా కథ ఏంటి? ఎందుకింత కాంట్రవర్సీ అయింది? అనే ఇంట్రెస్టింగ్ డీటెయిల్స్ ఇప్పుడు చూద్దాం. అసలు 'సట్లజ్' సినిమా కథ ఏంటి? 'సట్లజ్' అనేది ఒక బయోపికల్ డ్రామా. 90ల కాలంలో పంజాబ్లో జరిగిన రియల్ ఇన్సిడెంట్స్ బేస్ చేసుకుని డైరెక్టర్ హనీ ట్రెహన్ ఈ బయోపికల్ డ్రామాను తెరకెక్కించారు. ఈ సినిమాను మొదట్లో ‘పంజాబ్ 95’ (Panjab 95) అనే టైటిల్తో అనౌన్స్ చేశారు. పంజాబ్లో ఒక సాధారణ బ్యాంక్ క్లర్క్ నుంచి లీడింగ్ హ్యూమన్ రైట్స్ యాక్టివిస్ట్గా మారిన ‘జస్వంత్ సింగ్ ఖల్రా’ లైఫ్ స్టోరీ ఇది. 1984 నుంచి 1994 మధ్య పంజాబ్ రాష్ట్రంలో దాదాపు 25,000 మంది శవాలను (పోలీసులు) దహనం చేసిన ఉదంతంపై ఇన్వెస్టిగేషన్ చేసిన జస్వంత్ సింగ్ ఖల్రా జీవితం, ఆయన మరణం చుట్టూ ఈ కథ తిరుగుతుంది. ఒక సాధారణ బ్యాంక్ క్లర్క్ .. ఆ తర్వాత మానవ హక్కుల నాయకుడిగా ఎలా ఎదిగాడు? ఆ తర్వాత ఎలా మరణించాడనేదే కథాంశం. ఈ సినిమాలో జస్వంత్ సింగ్ ఖల్రా పాత్రలో దిల్జీత్ దోసాంజ్ నటించగా.. గీతికా విద్య ఓహ్లాన్, అర్జున్ రాంపాల్, సువిందర్ విక్కీ, కన్వల్జీత్ సింగ్ కీలక పాత్రలు పోషించారు. 80, 90ల కాలంలో పంజాబ్లో జరిగిన తిరుగుబాటుపై అక్కడి పోలీసులు జరిపిన పోరాటం వెనుక ఉన్న చీకటి కోణాన్ని చూపించడానికి.. రియల్ ఇన్సిడెంట్స్ బేస్ చేసుకుని, కొన్ని నిజమైన పాత్రలను కల్పితంగా మారుస్తూ ఈ కథను అల్లారు. ఎందుకింత వివాదం? ఈ సినిమా జర్నీ ఒక పెద్ద థ్రిల్లర్ లాంటిది. 2022లో ఈ సినిమాను ‘ఘల్లుఘారా’ (సిక్కుల చారిత్రక నరమేధం) అనే టైటిల్తో స్టార్ట్ చేశారు. ఆ ఏడాది నవంబర్లో ఈ చిత్రాన్ని సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC)కి పంపగా.. సినిమా టైటిల్ను 'పంజాబ్ 95'గా మార్చాలని బోర్డు డిమాండ్ చేసింది. అలాగే సినిమాలోని 21 సీన్లను తొలగించాలని (కట్స్) సూచించింది. ఈ సినిమా ప్రభుత్వాన్ని, పరిపాలనా వ్యవస్థను తప్పుగా చూపిస్తోందనేది వారి ప్రధాన అభ్యంతరం. ఈ కట్స్ను సవాలు చేస్తూ మేకర్స్ బాంబే హైకోర్టును ఆశ్రయించగా.. కోర్టు ఈ విషయాన్ని రివిజన్ కమిటీకి పంపింది. అయితే, ఆ కమిటీ ఏకంగా 120 సీన్లు తొలగించాలంటూ డిమాండ్ పెట్టింది. చివరికి, దాదాపు నాలుగేళ్ల న్యాయ పోరాటం తర్వాత, జులై 3 శుక్రవారం నాడు 'సట్లజ్'(Satluj) అనే కొత్త టైటిల్తో Zee5 ఓటీటీలో ఈ సినిమా చాలా సైలెంట్గా రిలీజ్ అయింది. ఈ సినిమా ప్రమోషన్స్ చేస్తే ఎక్కడ మళ్లీ రిలీజ్ ఆగిపోతుందో అని భయపడ్డామని దిల్జీత్ ఇన్స్టాగ్రామ్ లైవ్లో కూడా చెప్పాడు. జస్వంత్ సింగ్ ఖల్రా ఎవరు? జస్వంత్ సింగ్ .. ఓ సాధారణ బ్యాంక్ ఉద్యోగి. సమాజంపై బాధ్యత కలిగిన వ్యక్తిగా అన్యాయాలపై గొంతెత్తేవాడు. పంజాబ్ పోలీసులపై ఖల్రా చేసిన ఆరోపణలే.. ఈ 'సట్లజ్' సినిమా. ప్రధానంగా పోలీసు బలగాలు వేలాది మందిని అక్రమంగా ఎన్కౌంటర్స్ (extrajudicial killings) చేశాయని, దీనికి అప్పటి పంజాబ్ డీజీపీ కేపీఎస్ గిల్ బాధ్యుడంటూ ఖల్రా ఆయన పేరును బయటపెట్టారు. ఈ ఇష్యూను ఇంటర్నేషనల్ లెవెల్కి తీసుకెళ్లిన జస్వంత్ సింగ్...కెనడియన్ హౌస్ ఆఫ్ కామన్స్లో కూడా దీనిపై మాట్లాడారు. సినిమాలో కేపీఎస్ గిల్ పేరును 'ఐపీఎస్ బిట్టా'గా మార్చినప్పటికీ.. ఈ విషయాలన్నింటినీ చూపించారు. అలాగే అప్పటి పంజాబ్ సీఎం బియాంత్ సింగ్ హత్య ఉదంతాన్ని కూడా కాస్త కల్పితంగా చూపించారు ట్విస్ట్ ఏంటంటే.. 1995లో జస్వంత్ సింగ్ను పోలీసులు కిడ్నాప్ చేసి, కస్టడీలోనే టార్చర్ చేసి చంపేశారు. ఆయన డెడ్బాడీ కూడా ఎవరికీ దొరకలేదు. 2005లో నలుగురు పంజాబ్ పోలీసు అధికారులు ఆయన కిడ్నాప్, హత్య కేసులో దోషులుగా తేలడంతో కోర్టు వారికి ఏడేళ్ల జైలు శిక్ష విధించింది. రెండేళ్ల తర్వాత పంజాబ్ అండ్ హర్యానా హైకోర్టు ఆ శిక్షను జీవిత ఖైదుగా మార్చింది. పంజాబ్ పోలీసుల చేతిలో ఖల్రా ఎలా కిడ్నాప్ అయ్యారు, కస్టడీలో ఆయనను ఎలా టార్చర్ చేసి చంపేశారనే విషయాలను ఈ సినిమాలో వివరంగా చూపించారు. జస్వంత్ సింగ్ అదృశ్యం, హత్యపై విచారణ ఎలా జరిగిందనే విషయాల్లో కూడా ఈ సినిమాకు, నిజ జీవితానికి చాలా పోలికలు ఉన్నాయి. ఈ కేసులో కీలక నిందితుడైన ఎస్ఎస్పీ అజిత్ సింగ్ సంధు 1997లో సూసైడ్ చేసుకుని చనిపోయినట్లే.. సినిమాలో ఎస్ఎస్పీ సుగ్గ (సువిందర్ విక్కీ) ఆత్మహత్య చేసుకుని చనిపోయినట్లు చూపించారు. అయితే సంధుది ఆత్మహత్య కాదని, అది ప్లాన్డ్ మర్డర్ అని ఆమ్నెస్టీ ఇంటర్నేషనల్ అప్పట్లో ఆరోపించింది. Zee5 ఏమంటోంది? జులై 5 న ఆదివారం సాయంత్రం Zee5 ఒక అఫీషియల్ స్టేట్మెంట్ ఇస్తూ.. ప్రస్తుత పరిస్థితులతో ఇండియాలో ‘సట్లజ్’ స్ట్రీమింగ్ను నిలిపివేస్తున్నామని అనౌన్స్ చేసింది. అయితే ఈ సినిమాను ప్రేక్షకుల ముందుకు తేవడానికి ప్రయత్నిస్తామని, క్రియేటివ్ ఫ్రీడమ్కు తాము సపోర్ట్ ఇస్తామని చెప్పింది. దీనిపై డైరెక్టర్ హనీ ట్రెహన్ పంజాబీలో ‘తేరా భానా మీఠా లాగే’ (దేవుడి ఇష్టమే మన ఇష్టం) అంటూ ఎమోషనల్ పోస్ట్ పెట్టారు. హీరో దిల్జీత్ దోసాంజ్ అయితే ఇంకాస్త ఫిలాసఫికల్గా స్పందిస్తూ.. నిజ జీవితంలో జస్వంత్ సింగ్ ఖల్రాను ఎలాగైతే మాయం చేసేశారో, ఇప్పుడు ఈ సినిమాను కూడా అలానే మాయం చేశారంటూ షాకింగ్ కంపారిజన్ చేశాడు. ఏదేమైనా.. ఒక రియల్ అండ్ డార్క్ హిస్టరీని చూపించిన ‘సట్లజ్’ ఓటీటీలోకి వచ్చినట్టే వచ్చి మాయమవ్వడం ఇప్పుడు సినిమా ఇండస్ట్రీలోనూ, సోషల్ మీడియాలోనూ హాట్ టాపిక్గా మారింది.